وزیر خارجہ مخدوم شاہ محمود قریشی دی ایرانی ہم منصب نال او آئی سی دے ہنگامی اجلاس دے موقع تے استنبول اچ ملاقات

اسلام آباد ۔ 22 مارچ (اے پی پی)پاکستان اتے ایران او آئی سی دے ہنگامی اجلاس دوران بہوں سارے شعبیں اچ ڈوطرفہ تعاون ودھاونڑ سانگے رابطے ودھاونڑ تے اتفاق کیتے،وزیر خارجہ شاہ محمود قریشی آکھیے جوایران سمیت خطہ دے سارے ہمسایہ ملکاں نال چنگا تعلقات اساڈی حکومت دی خارجہ پالیسی دی پہلی ترجیحات اچ شامل ہے، مغربی دنیا اچ اسلام خلاف ودھدی ہوئی جنونیت خلاف پاکستان، ایران اتے ترکی کوں سانجھا لائحہ عمل اختیار کرنڑ چاہیدے۔ ایرانی وزیر خارجہ جواد ظریف آکھیے جو ڈوہائیں ملک سانجھے تعلقات اتے ڈوطرفہ تعاون کوں ودھاونڑ دے خواہشمند ہن۔ جواد ظریف اسلام دے خلاف ودھدی ہوئی جنونیت دے حوالہ نال او آئی سی ہنگامی اجلاس اچ وزیر خارجہ مخدوم شاہ محمود قریشی ولوں چاتے گئے نکات نال اتفاق کیتا اتے ایں سلسلہ اچ اپنڑے مکمل تعاون دا یقین ڈیوایا۔ ڈوہائیں وزرائے خارجہ بہوں سارے شعبیں اچ ہک بئے کوں تعاون اتے رابطے ودھاونڑ تے اتفاق کیتا۔ جواد ظریف ایران دے چار لاپتہ فوجیاں دی رہائی تے پاکستانی افواج اتے حکومت پاکستان دا خصوصی شکریہ ادا کیتا۔