اسلام آباد۔6مئی(اے پی پی)صدرمملکت ڈاکٹر عارف علوی آکھیے جو متعلقہ اسٹیک ہولڈرز عید الفطر دے بعد وفاقی کابینہ اتے قومی اسمبلی ارکان کوں پیش کرݨ کیتے الیکٹرانک ووٹنگ مشین دا پروٹو ٹائپ بݨایا وںجے، سمندر پار پاکستانیاں کیتے بذریعہ انٹرنیٹ ووٹ دا اندراج اتے کاسٹ کرݨ کیتے آئی ووٹنگ تیز کرݨ دی لوڑھ اے۔ اے ڳالھ انہاں آئی ووٹنگ بارے ذیلی کمیٹی اجلاس دی صدارت کریندے آکھی۔ اجلاس اچ وفاقی وزیر برائے انفارمیشن ٹیکنالوجی سید امین الحق، وفاقی وزیر برائے ریلوے سینیٹر اعظم سواتی، وفاقی وزیر برائے سائنس و ٹیکنالوجی سینیٹر شبلی فراز، سیکرٹری وزارت انفارمیشن ٹیکنالوجی وٹیلی کمیونیکیشن شعیب احمد صدیقی، قائمقام چئیرمین نادرا بریگیڈئیر (ر)خالد لطیف، ڈائریکٹر جنرل (آ ئی ٹی) الیکشن کمیشن آف پاکستان خضر عزیز اتے ٻئے حکام وی موجود ہن۔ وفاقی وزیر سائنس وٹیکنالوجی سینیٹر شبلی فراز الیکٹرانک ووٹنگ مشین دے پروٹوٹائپ دی تیاری بارے تفصیل ݙسائی۔ صدر مملکت ڈاکٹر عارف علوی آکھیا جو پارلیمنٹیرینز اتے سیاسی رہنمواں کوں آندے عام انتخابات اچ ای وی ایم دی حمایت کیتے نال رکھیا ونڄے، بیرون ملک مقیم پاکستانیاں کیتے ای وی ایم، بائیو میٹرک تصدیق مشیناں اتے آئی ووٹنگ سسٹم تیکھے بݨاوݨ کیتے چیف الیکشن کمشنر اتے ای سی پی ممبران نال مشورہ کیتا ونڄے۔
