راجنپور: ویگن دی موٹرسیکل کوں ٹکر نال ٻال سودھا 4 جݨے مر ڳین

راجن پور۔ 16مئی(اے پی پی)جنوبی پنجاب دے شہر راجنپور دے نیڑے کوٹلہ عیسن اچ ویگن دی موٹر سیکل کوں ٹکر نال ہک ٻال سودھا 4 جنݨے مر ڳین۔ ریسکیو 1122 موجب مرݨ آلے لوک ہکے ٹبر دے ہن جیندے اچ ہک 3 سال دا ٻال وی ہئی۔ اے حادثہ انڈس ہائی وے تے کوٹلہ عیسن اچ تھئے جتھاں تیز رفتار ویگن موٹر سایکل کوں ٹکر مار ݙتی۔ لاشاں نیڑے دے ہسپتال پچا ݙتیاں ڳین۔پولیس وین ڈرائیور دے خلاف مقدمہ درج کرتے تحقیقات شروع کرݙتن۔