قومی ہائوسنگ اتھارٹیز۔۔ڳھٹ لاگت گھراں دی تعمیر

ترجمہ: ڈاکٹر سعدیہ کمال

گھٹ آمدن والے طبقات دے رہائشی مسلیاں دے حل کیتے کثیر الجہتی حکومتی اقدامات،  پنجاب پیری اربن ہائوسنگ سکیم  سمیت گھٹ ودھ  45 ہزار لو کاسٹ ہائوسنگ یونٹس زیر تعمیر ہن ، بینک سال دے آخر تک مکانات اتے تعمیرات کیتے 378 ارب روپے دی فنانسنگ کریسن

اسلام آباد۔6مئی  (اے پی پی):حکومت ملک اچ بالخصوص گھٹ آمدن آلے طبقات کوں  درپیش رہائشی مسلیاں دے حل کرنڑ سانگے کثیر الجہتی حکمت عملی اختیار کیتی اے جیندے مطابق وفاقی تے صوبائی ہائوسنگ اتھارٹیز ولوں گھٹ لاگت دے گھراں دی تعمیر دے نال نال نجی شعبہ کوں سستے گھراں دی وڈ ے پیمانے تے تعمیر کیتے سہولیات اتے سازگار ماحول ڈتا ویندا پیا اے ۔ ایں  طرح گھٹ اتے اوسط آمدن آلے طبقے کوں آپدا ذاتی گھر یا اپارٹمنٹ تعمیر کرنڑ کیتے مارک اپ سسڈی دے نال مورگیج اتے ہائوسنگ فنانس دی سہولت ڈتی ویندی پئی اے ۔ سرکاری ذرائع موجب گھٹ آمدن آلے طبقات کیتے حکومتی ترقیاتی اداریاں ولوں خود یا پبلک پرائیویٹ اشتراک دے ذریعے تعمیر کیتے ونجنڑ آلے  پہلے ہک لکھ ہائوسنگ یونٹس تے حکومت ہر گھر کیتے ترائے لکھ روپے دی سبسڈی ڈیسی ۔ ایں  مقصد کیتے  30 ارب روپے مختص کیتے گئین ۔ ایں ویلے ملک اچ  مجموعی طور تے گھٹ ودھ  45 ہزار لوکاسٹ ہائوسنگ یونٹس زیر تعمیر ہن  جیندے اچ  ایل ڈی اے سٹی لاہور، جلوزئی، علی پور فراش اسلام آباد اتے زون ۔ V اسلام آباد اچ  11 ہزار ہائوسنگ یونٹس تے  مشتمل چار منصوبیاں دا حال اچ افتتاح کیتا گیا اے ۔ ایندے اچ  پنجاب پیری اربن ہائوسنگ سکیم وی شامل اے۔

وزیراعظم عمران خان  14 اپریل 2021ءکوں  سرگودھا اچ ایں  سکیم دا افتتاح کیتاہا۔ اے سکیم پنجاب دے چھوٹے شہراں اتے قصبیاں اچ مقیم گھٹ  آمدن آلے بندیاں کیتے تیار کیتی گئی اے ۔ ایں  منصوبے کوں  حکومت پنجاب اتے نیا پاکستان ہائوسنگ اینڈ ڈویلپمنٹ اتھارٹی دے  سانجھے تعاون نال عملی شکل ڈتی ویندی پئی اے ۔ ذرائع موجب  پنجاب دے چھوٹے شہراں اتے قصبیاں دے مضافاتی علاقیاں اچ  چھوٹی رہائشی کالونیاں بنڑائیاں ویسن ۔

بورڈ آف ریونیو پنجاب ولوں گھٹ مل  (10 ہزار روپے فی مرلہ) تے  زمین ڈتی ویسی ۔ بورڈ آف ریونیو پنجاب  صوبہ پنجاب کے 35 ضلعیاں اچ  133 سائٹس دی پیشکش کیتی اے۔ ذرائع ڈسائے جو نیا پاکستان ہائوسنگ اینڈ ڈویلپمنٹ اتھارٹی دیاں  ٹیماں   27 ضلعیاں اچ 58 سائٹس دا سروے کیتا اتے پہلے مرحلے اچ  گھٹ ودھ  10 ہزار ہائوسنگ یونٹس دی  تعمیر کیتے 41 سائٹس (22 ضلعیاں دی 39 تحصیلاں اچ ) دی سفارش کیتی۔

حکومت پنجاب فیز -I دی سائٹس تے لینڈ ڈویلپمنٹ اتے انفراسٹرکچر ورک کیتے 3 ارب روپے دی سیڈ منی اتے ریوالونگ فنڈ ڈیندی پئی اے ۔نیا پاکستان ہائوسنگ اینڈ ڈویلپمنٹ اتھارٹی/وفاقی حکومت ہر ہائوسنگ یونٹ کیتے 3 لکھ روپے دی سبسڈی ڈیندی اے  ۔ ایف ڈبلیو او اتے  این ایل سی سائٹس تے ترقیاتی کم  اور انجینئرنگ، پروکیورمنٹ اتے کنسٹرکشن (ای پی سی) کنٹریکٹرز دے طور تے چھوٹے ہاﺅسنگ یونٹس (3.5 مرلہ) تعمیر کریسن ۔ انھاں  سائیٹس اچ  توسیع کیتی گنجائش اے اتے بعد ازاں ڈوجھے 4 ہزار مکان وی انھاں سائیٹس اچ شامل کیتے ونج سگدن ۔ اے  توسیع پذیر منصوبہ اے اتے بعد اچ اینکوں پنجاب دیاں  36 ضلعیاں دی 143 تحصیلاں تئیں توسیع ڈتی ونج سگدی اے ۔ 10 توں ودھ سائیٹس دا افتتاح وزیراعظم عمران خان  6 مئی کوں  کیتا جنھاں تے  2356 یونٹس تعمیر کیتے ویسن ۔ 3.5 مرلے دے ہر مکان تے لاگت گھٹ ودھ  15 لکھ روپے ہوسی ۔ 20 سالہ مدت کیتے ماہانہ مورگیج انسٹالمنٹ 5068 روپے ہوسی  اتے  10 سالہ مدت کیتے گھٹ ودھ  10 ہزار روپے ہوسی ۔ ایں سکیم کیتے بینکاں دا ہک کنسورشیم پروجیکٹ فنانس اتے مورگیج فراہم کریندا پیا اے ۔ بینک آف پنجاب انھاں اچ  سرفہرست اے۔

پنجاب دیاں  10 تحصیلاں چنیوٹ، ڈی جی خان، چنیاں، خانیوال، خوشاب، منڈی بہائوالدین، میانوالی، جلال پور پیر والہ، سرگودہا اچ ہکے ویلھے سکیم دا افتتاح کیتا گیا۔ حکومت ولوں سہولتاں دے نال نجی شعبہ لو کاسٹ ہائوسنگ اچ  دلچسپی دا اظہار کیتا اتے ہک لکھ توں ودھ ہائوسنگ یونٹس دی تعمیر کیتے نیا پاکستان ہائوسنگ اینڈ ڈویلپمنٹ کوں  تجویزاں بھیجن ۔

ذرائع موجب حکومت گھٹ تے اوسط آمدن والے بندیاں کیتے مورگیج دی قسطاں کوں گھٹ کرننڑ کیتے آندے 10 سالاں دی مدت دے دوران 35 ارب روپے دی مارک اپ سبسڈی ڈتی ویندی پئی اے ایں سکیم دے تحت نیا پاکستان ہائوسنگ اینڈ ڈویلپمنٹ اتھارٹی اتے حکومتی اداریاں ولوں نجی شعبہ دے تعاون نال 5 مرلہ تئیں دے ہائوسنگ یونٹس تے پہلے پنج سال کیتے 3 فیصد مارک اپ اتے اگلے پنج سال کیتے 5 فیصد مارک اپ ہوسی ۔ ایندی ادائیگی دا دورانیہ 20 سال ہوسی ۔ لوکاں ولوں تعمیر یا خریدے ونبجنڑ آلے پنج مرلے تئیں دے ہائوسنگ یونٹس تے پہلے پنج سال کیتے مارک اپ 5 فیصد اتے اگلے پنج سال کیتے مارک اپ 7 فیصد ہوسی قرضے دی رقم دی حد 60 لکھ روپے تئیں اے جڈاں جو ادائیگی دا ودھ توں ودھ دورانیہ 20 سال اے۔ ایں طرح 10 مرلہ دے ہائوسنگ یونٹس تے پہلے پانچ سال کیتے مارک اپ 7 فیصد، اگلے پنج سال کیتے 9 فیصد اے ۔ قرضہ دی ودھ توں ودھ رقم دی حد 10 ملین روپے اے تے ادائیگی دا ودھ توں ودھ دورانیہ 20 سال اے ۔ نظرثانی شدہ سکیم دے مطابق قرضہ دی رقم ڈوں گنا کرڈتی گئی اے اتے مائیکرو فائنانس بینکاں کوں ایندے اچ شامل کیتا گیا اے ۔ اخوت جہیں مائیکرو فائنانس ادارے بینکاں کیتے ایجنٹس دے طور تے وی کم کر سگدن ۔ لوکاسٹ ہائوسنگ سکیم دے فروغ سانگے کیتے ونجنڑ آلے مختلف اقدامات اچ ہائوسنگ اتے کنسٹرکشن کیتے فکسڈ ٹیکس سکیم متعارف کرائی گئی اے۔ ایندے مطابق ہر قسم دی تعمیرات کیتے ٹیکساں اچ نمایاں کمی کیتی گئی اے تاں جو گھٹ لاگت دے ہائوسنگ یونٹس کییتے ٹیکساں اچ 90 فیصد چھوٹ ڈتی گئی اے۔ ایں طرح جائیداد دی فروخت اتے خریداری تے ٹیکس اتے ڈیوٹیز جیڑھی مختلف صوبیں اچ 4 توں 7 فیصد ہئی، اینکوں گھٹ کرتے 2 فیصد کرڈتا گیا اے ۔ بینکاں کوں آکھا گیا اے جو او آپدے متعلقہ نجی شعبہ دے کریڈٹ دا 5 فیصد ہائوسنگ فنانس اتے تعمیرات توں متعلقہ سرگرمیاں کیتے ڈیسن تاں جو ہنڑ بینک ایندے سال دے آخر تئیں مکانات اتے
تعمیرات کیتے 378 ارب روپے دی فنانسنگ کریسن ۔ ون ونڈو ڈیجیٹل پورٹل دے ذریعے منصوبیاں دے عمل کوں آسان بنڑایا گے