اسلام آباد۔17مئی (اے پی پی):پاکستان اتے ترکی فلسطین تے اسرائیلی جارحیت دے خلاف رل تے آواز چاوݨ تے ایں سلسلے اچ رہنما اصول اتے تجاویز مرتب کرݨ تے اتفاق کیتے ۔سنوار کوں سپیکر قومی اسمبلی اسد قیصر اپݨے ترک ہم منصب مصطفی سینتوپ نال ٹیلی فون تے ڳالھ مہاڑ کیتی جیں اچ ݙوہیں رہنماواں اسرائیلی جارحیت دے خلاف رل تے آواز چاوݨ تے اتفاق کیتے۔ سپیکر آکھیے جو غزہ اچ اسرائیلی حملیں دی شدید الفاظ اچ مذمت کرینداں ۔ انہاں آکھیے جو عیدالفطر اتے رمضان المبارک اچ فلسطین تے پرتشدد کارروائی غیر انسانی اے، ایندی جتنی وی مذمت کیتی ونڄے گھٹ اے ۔انہاں آکھیے جو فلسطین کیتے ہرفورم تے آواز چاوݨی اے ،اسرائیلی ظلم و بربریت دے خلاف اساں او آئی سی ملکاں کوں خط وی لکھیے ۔ انہاں آکھیے جو اسرائیل دیاں وحشیانہ کارروائیاں توں غزہ سڑدا پئے ۔عالمی اداریں اتے انسانی حقوق دیاں تنظیماں دی خاموشی قابل مذمت اے۔
