پاکستان کیتے ݙوڄھے میلجم جنگی بحری جہاز دی استنبول شپ یارڈ اچ تیاری شروع

کراچی۔1مئی(اے پی پی)پاک بحریہ کیتے چین اچ بݨائے ڳئے تریڄھے فریگیٹ اتے ترکی اچ ݙوڄھے ملجم کلاس کورویٹ جہازاں دی تیاری شروع تھی ڳئی اے۔ ایں سانڳے تقریب ہڈونگ ژونگوا شپ یارڈ اچ تھئی اتے ترکی اچ ملجم کلاس کورویٹ جہاز بݨاوݨ دی تقریب استنبول نیول شپ یارڈ اچ کیتی ڳئی۔ ݙوہیں جہاز جدید ٹیکنالوجی، مختلف حربی آلات اتے سینسرز آلے ہوسن جیندے آوݨ نال ملکی سمندری دفاع ٻیا تکڑا تھیسی۔