کمزوراں دی ذمہ واری ریاست چاوݨی اے، 30 سالاں دی لٹ مار دا حساب ݙیوں دی بجائے پی ڈی ایم دے ناں تے چور یونین این آر او منگدی ودی اے، وزیراعظم عمران خان

APP44-060521 LAHORE: May 06 - Prime Minister Imran Khan addressing after inauguration of “Peri-Urban Low Cost Housing Schemes”. APP

لاہور۔6مئی(اے پی پی)وزیراعظم عمران خان آکھیے جو حکومتی اقدامات نال ملک اچ زرعی انقلاب آسی، سیاحت و تعمیرات دا شعبہ روزگار ودھاوݨ، سرمایہ کاری اتے صنعتی ترقی کیتے ودھ اہمیت رکھدے، کمزوراں دی ذمہ واری ریاست چاوݨی اے، ساݙی جنگ طاقتور کوں وی قانون دے ہتھ ڳھن آوݨ دی اے، پی ڈی ایم دے ناں تے چور یونین این آر او منگدی ودی اے، 30 سالاں دی لٹ مار دا حساب ݙیوں دی بجائے ہتھو شور مچائی ودن۔ اے ڳالھ انہاں لاہور اچ رائیونڈ اچ پنجاب پیری اربن ڳھٹ لاگت ہائوسنگ سکیم منصوبے دی شروعات سانڳے تقریب نال خطاب کریندے آکھی۔ انہاں آکھیا جو ڳھٹ لاگت ہائوسنگ منصوبہ شروعات اے ایندے نال کچی آبادیاں کھنݙݨ ڳھٹسن، کچی آبادیاں کوں ترک ماڈل دے تحت تبدیل کرݨ دا منصوبہ ڳھدی آندے ہیں۔ وزیراعظم عمران خان آکھیے جو اشرافیہ ملک کوں رڄ لٹیے، ملک اچ اینڄھا نظام آڳعے جیندے اچ عام لوکاں دا جیوݨ اوکھا تھیندا ویندے، کہیں وی عام آدمی دی سہولت اتے اپݨا گھراتے روزگار ݙیوݨ دا نئیں سوچیا، نیا پاکستان ہائوسنگ سوسائٹی دا تصور عام آدمی، تنخواہ دار طبقہ، سرکاری ملازمین، مکینک اتے ویلڈر کوں گھر دی سہولت ݙیوݨ اے۔ انہاں آکھیا جو اڄ پاکستان اچ سارے چور پی ڈی ایم دی چھتری ہیٹھ کٹھے ہین اتے اپݨی یونین ٻݨا ڳھدی اے، اے لوک 30 سال دی حکمرانی اچ مال دا حساب ݙیوݨ کوں تیار کائنی، ریاست مدینہ غریباں دی ذمہ داری ڳھدی، جیڑھی قوم ایں ماڈل تے چلسی او اڳو تے ودھ ویسی، حکومت عام لوکاں اتے ملک دی ترقی کیتے ودھ اقدامات کریندی پئی اے، حکومتی منصوبہ بندی دا پھل تیکھے ݙس ویسی۔ وزیراعظم آکھیا جو کرونا دی تریڄھی لھر ٻہوں خطرناک اے، اساں کرونا دی پہلی ݙو لہراں نال نبݨݨ کیتے وݙی کامیابی ڳھدی اے جیکر حکومت اپݨی استعداد نہ ودھیندی تاں اڄ ساݙے حالات وی بھارت جھیں ہوندے، کرونا توں بچݨ کیتے آندے 2 ہفتے ٻہوںاہم ہین، ایں سانڳے لوک ماسک پاون اتے ایس او پیز تے عمل کرن