سمندر پار پاکستانیاں دی ترسیلات زر اچ 11 مہینے اچ ریکارڈ 29.4 فیصد ودھارا تھیے، سٹیٹ بینک

اسلام آباد۔10جون (اے پی پی) سمندرپارپاکستانیاں دی ترسیلات زراچ جاری مالی سال دے پہلے 11 11 مہینے اچ ریکارڈ 29.4 فیصد ودھارا تھیے، سٹیٹ بینک دی رپورٹ دے مطابق جاری مالی سال دے پہلے یارھاں مہینے اچ سمندرپاکستانیاں 26.736 ارب ڈالردازرمبادلہ ملک بھیجے جیڑھا جو گزریل مالی سال دی ایں مدت دے مقابلے اچ 29.4فیصد ودھ اے۔ گزریل مالی سال دی ایں مدت اچ 20.659 ارب ڈالر دا زرمبادلہ بھیجا ڳیا ہئی۔ مئی 2021 اچ سمندرپاکستانیاں دی ترسیلات زرداحجم 2.490 ارب ڈالرریکارڈ کیتا ڳئے۔ گزریل سال مئی اچ اے حجم 1.865 ارب ڈالر ریکارڈ کیتا ڳیا ہئی۔ سٹیٹ بینک دے مطابق ترسیلات زربارے سعودی عرب ساریاں توں وڈے ملک دے طور تے سامھے آئے جتھاں کم کرݨ آلے پاکستانی محنت کش مالی سال دے پہلے یارھاں مہینے اچ 7.010 ارب ڈالر دا زرمبادلہ بھیجھے ۔ یواے ای 5.888 ارب ڈالردے نال ݙوجھا وݙا ملک اے جتھوں 5.095 ارب ڈالر دے مقابلے اچ 9.7 ملین ڈالر دا زرمبادلہ بھیجا ڳئے۔ یوکے اچ رہوݨ آلے پاکستانیاں جاری مالی سال دے پہلے یارھاں مہینے اچ 3.696 ارب ڈالر دا زرمبادلہ ملک بھیجے جیڑھا جو گزریل مالی دے مقابلے 66.6 فیصد ودھ اے۔ ،امریکا اچ کام کرݨ آلے پاکستانیاں جاری مالی سال دے پہلے 11 مہینے اچ 2.477 ارب ڈالر دا زرمبادلہ ملک بھیجے جیڑھا جو گزریل مالی سال دے مقابلے 58.1 فیصد ودھ اے۔ اڄوکی حکومت ولوں قانونی اتے بینکنگ ذرائع توں ترسیلات زر دی حوصلہ افزائی سانڳے سہولتاں اتے اقدامات دے نتیجے اچ ترسیلات زر اچ مسلسل ودھارا تھیندا پئے۔