وزیر داخلہ شیخ رشید احمد دا سیف سٹی ہیڈ کوارٹرز دا دورہ

اسلام آباد۔15جون (اے پی پی) وفاقی وزیر داخلہ شیخ رشید احمد منگل کوں سیف سٹی ہیڈ کوارٹرز دا دورہ کیتا اتے وزیراعظم عمران خان دے دورے بارے انتظامات دا جائزہ ڳھدا۔ وزارت داخلہ ولوں جاری بیان دے مطابق وزیر داخلہ آئی جی پولیس اسلام آباد اتے بئے پولیس افسراں کوں وزیراعظم دے دورہ بارے ضروری ہدایات جاری کیتی۔ بیان دے مطابق وزیراعظم عمران خان اڄ بدھ کوں سیف سٹی ہیڈ کوارٹر دا دورہ اتے 100موٹر سائیکل سواراں دا ایگل اسکواڈ دا افتتاح کریسن۔ وزیراعظم عمران خان کوں سیف سٹی ہیڈ کوارٹر اسلام آباد دے دورہ دے موقع تے وزیر داخلہ شیخ رشید احمد سیف سٹی منصوبے دی توسیع بارے بریفنگ ݙیسن۔