وفاقی وزیر خزانہ و محصولات شوکت ترین دی تھرڈ پارٹی آڈٹ نظام متعلق حکمت عملی کوں وختی عملی جامہ پواوݨ دی ہدایت

اسلام آباد۔15جون (اے پی پی):وفاقی وزیر خزانہ و محصولات شوکت ترین تھرڈ پارٹی آڈٹ نظام متعلق حکمت عملی کوں وختی توں وختی عملی جامہ پواوݨ دی ہدایت کریندے ہوئیں آکھیے جو ایندے نال نہ صرف ٹیکس دے دائرہ کار اچ توسیع تھیسی بلکہ محصولات اچ وی ودھارا تھیسی ۔اے ڳالھ انہاں منگل کوں اتھان ایف بی آر ہیڈ کوارٹر دے دورہ دے موقع تے افسران نال ملاقات اچ ڳال مہاڑ کریندے ہوئیں آکھی اے ۔ملاقات دا ایجنڈا ایف بی آر دے پوائنٹ آف سیل نظام توں ریٹیلر کوں وختی توں رلاوݨ دی حکمت عملی کوں کوں وضع کرݨا اے۔ ایندے علاوہ اجلاس اچ ٹیکس دے دائرہ کار اچ وسعت اتے ایں ضمن اچ پیشرفت دا جائزہ گھنݨ وی ہئی ۔ وزیراعظم دے معاون خصوصی محصولات ڈاکٹر وقار مسعود اتے چیئرمین ایف بی آر عاصم احمد وی ایں موقع تے موجود ہن ۔ چیئرمین ایف بی آر وزیرخزانہ کوں ݙسایا جو آئی ٹی کمپنیاں دے پوائنٹ آف سیل نظام دی تنصیب و کنفیگریشن نال متعلقہ لائسنسنگ دے عمل کوں اگست دے چھیکڑ تئیں مکمل کرڳھدا ویسی ۔