چھی مہینے اچ صوبے دی سو فیصد آبادی کوں یونیورسل ہیلتھ انشونش میسر ہوسی، صوبائی وزیر خزانہ مخدوم ہاشم جواں بخت دی پوسٹ بجٹ پریس کانفرنس

لاہور ۔15جون (اے پی پی):صوبائی وزیر خزانہ مخدوم ہاشم جواں بخت آکھیے جو پنجاب حکومت دا نویں مالی سال دا بجٹ حقیقی معنی اچ تحریک انصاف دے منشور دے عین مطابق اتے عوامی امنگاں دا ترجمان اے جیں اچ نہ صرف حقیقی اعدادوشمار پیش کیتے ڳئن بلکہ ماضی دے نمائشی منصوبیں دی بجائے ہیومن ڈویلپمنٹ تے توجہ ݙتی ڳئی اے ،دنیادے ماہرین دی توقعات توں بہتر پاکستانی معیشت پرفارم کیتے، پاکستان اکنامک سروے دی اڄوکی رپورٹ دے مطابق جی ڈی پی دی شرح اچ ودھارے دا تخمینہ 3.94 فیصد لاتا ڳئے جیڑھا جو آئی ایم ایف اتے ورلڈ بنک دے تخمینے توں ودھ اے تاں جو امید اے جو تخمینہ اڄوکے سال دے چھیکڑ تئیں چار فیصد توں اتے ویسی ،بجٹ اچ یونیورسل ہیلتھ انشورنش،تعلیم،پبلک ورکس اتے زراعت کوں ترجیح ݙتی ڳئی اے ،محکمہ پلاننگ اینڈ ڈویلپمنٹ سودھے سارے متعلقہ محکمیں کوں سخت ہدایات کرݙتیاں ڳئن جو او آپݨے محکمے دیاں سکیماں تیار کرتے وختی توں وختی پیش کرن جیں کیتے جولائی تئیں سو ارب روپے توں ودھ فنڈ ریلیز کرݙتے ویسن تاں جو ترقیاتی کم وختی شروع کیتے ونڄ سڳن۔ او منگل کوں 90شاہراہ قائداعظم تے پوسٹ بجٹ پریس کانفرنس توں خطاب کریندے پئے ہن ، ایں موقع تے متعلقہ محکمیں دے سیکرٹریز اتے اعلیٰ حکام وی موجود ہن۔صوبائی وزیر خزانہ آکھیے جو تحریک انصاف دی حکومت چوتھا اتے تاریخی بجٹ پیش کیتے جیڑھا جو مثبت گروتھ آلا بجٹ اے۔انہاں آکھیے جو تحریک انصاف دی قیادت مالی پالیسیاں دی اصلاح دی راہ اختیار کیتی تے وسائل دے موثر استعمال تے توجہ مرکوز کیتی،کووڈ۔ 19 دے دوران پاکستان دی حکمت عملی پوری دنیا دی توجہ دا مرکز بݨی اتے حکومت ولوں اوکھے حالات اچ ارباں روپے دا پیکج ݙتا ڳئے تے تعمیراتی پیکج سودھے لکھاں گھراݨیں کوں احساس پروگرام دے ذریعے سپورٹ ݙتی ڳئی ۔