اقوام متحدہ دے سیکرٹری جنرل دی بغداد بم دھماکے دی مذمت

نیو یارک ۔20جولائی (اے پی پی):اقوام متحدہ دے سیکرٹری جنرل انتونیو گوترش عراقی دارالحکومت بغداد دی مصروف مارکیٹ اچ بم دھماکے دی مذمت کیتی اے ۔ چینی خبر رساں ادارے موجب اقوام متحدہ دے سیکرٹری جنرل انتونیو گوترش دے نائب ترجمان فرحان حق آکھیے جو اقوام متحدہ دے سکریٹری جنرل بم دھماکے اچ عام شہریاں کوں نشانہ بݨائے ونڄݨ دی مذمت کیتی اے اتے متاثرین دے ٹٻر، حکومت اتے عراقی عوام نال دلی تعزیت وی کیتی اے۔ ترجمان آپݨے بیان اچ آکھیے جو سیکرٹری جنرل زخمیاں دی صحت یابی کیتے نیک خواہشات دا اظہار کیتے۔ انہاں ایں جرم دے مرتکب لوکاں کوں وختی انصاف دی کچاری اچ گھن آوݨ دی لوڑھ تے زور ݙتے ۔