خطبہ عرفات دا ترجمہ 10 زباناں اچ نشرکیتا ویسی ، حج انتظامیہ

مکہ۔16جولائی (اے پی پی):حج انتظامیہ آکھیے جو ایں سال حج موسم دے دوران خطبہ عرفات دا ترجمہ 10 زباناں اچ نشر کیتا ویسی جݙاں جو مسیت الحرام اچ زائرین دی رہنمائی کیتے 25 زباناں دی سہولت ݙتی ویسی۔ سعودی ذرائع ابلاغ موجب حج انتظامیہ آکھیے جو خطبہ عرفات د ترجمہ ٹی وی چینلز، ایف ایم اتے سمارٹ ایپلی کیشنز (عرفات – حرمین – منصۃ منارۃ الحرمین) پلیٹ فارم توں نشر کیتا ویسی ۔انتظامیہ دے ماتحت ادارہ ترجمہ دے سربراہ اعلی انجینئر مشاری السعودی ݙسایا جو ترجمہ پروگرام دی بدولت زائرین کوں دینی مسئلے تے حج احکام سمجھݨ اچ سہولت ملسی ۔