بیجنگ۔8جولائی (اے پی پی):چین دے سٹیٹ قونصلر و وزیر خارجہ وانگ یی پاکستان کوں چین دا حقیقی دوست اتے برادر ملک قرار ݙیندے ہوئیں ݙوہیں ملکاں وچال مضبوط تعلقات تے زور ݙتے۔ چینی میڈیا موجب انہاں خمیس کوں پاک چین سفارتی تعلقات دی 70 ویں سالگرہ دےسلسلے اچ سیمینار دی افتتاحی تقریب توں ویڈیو لنک دے ذریعے اپݨے خطاب اچ آکھیے جو ݙوہیں ملکاں دے بہترین اتے مشترکہ مستقبل کیتے چین اتے پاکستان وچال عوامی سطح تے تعلقات کوں مضبوط بݨاوݨ دی لوڑھ اے ۔ݙوہیں ملکاں مضبوط باہمی سیاسی اعتماد دے نال فولاد وانڳوں اتے کݙاہیں نہ ترٹݨ آلے منفرد دوستانہ تعلقات کوں ودھارا ݙتے۔ انہاں ݙوہیں ملکاں وچال ݙو پاسے تعلقات کوں قابل قدر تزویراتی اثاثہ قرار ݙیندے ہوئیں زور ݙتے جو منظم رابطے کوں مضبوط بݨاوݨ ، ݙوطرفہ تعلقات ودھاوݨ وختی رہنمائی اچ تعاون کیتے اعلی سطح دے رابطے کوں مستحکم کرݨ دی لوڑھ اے ۔ چینی وزیر خارجہ زور ݙتے ݙوہیں ملکاں کوں کورونا وائرس کوں شکست ݙیوݨ، پاک چین اقتصادی راہداری (سی پیک) کوں مضبوطی نال اڳوں ودھاوݨ ، مشترکہ طور تے علاقائی امن دے تحفظ تے حقیقتاً کثیرالجہتی دے اقدامات کوں یقینی بݨاوݨ کیتے رل تے کم کرݨ دی لوڑھ اے ۔
