لندن ۔ 25 اگست (اے پی پی) عالمی ادارہ صحت دے ڈائریکٹر جنرل ٹیڈروس ادہانوم گیبریسس ہک پریس کانفرنس وچ آکھیے جو 172 ملک تے علاقے کووڈ-19 دی ویکسین دی عالمی فراہمی دے منصوبے اچ شامل تھن ۔ایں منصوبے دا ہدف 2021 دے چھیکڑ تئیں ویکیسن دی گھٹ توں گھٹ 2 ارب موثر ڈوز عالمی سطح تے ونڈنڑی اے۔ٹیڈروس ادہانوم گیبریسس آکھیے جو اگر کووڈ19دی ویکسین دی قیمت ودھ ہوندی اے تاں اے گھٹ تے درمیانی آمدنی آلے ملکاں اچ لوکاں کوں ویکسین گھننڑ توں روکیسی ۔ اگر صرف کجھ ملک ہی ودھ ویکسین توں فائدہ چیندن تاں وبا دی مدت اچ توسیع تھی ویسی ۔انہاں پرزور الفاظ وچ آکھیے جو اگر ویکسین دی تیاری دے بعد شروع دے عرصے اچ ایندی فراہمی محدود ہوندی اے ، تاں ویکسین پہلے انہاں لوکاں کوں ونجنڑیں چاہیدی اے جتھاں ودھ خطرہ اے ۔انہاں اچ ساریں توں پہلے طبی عملہ، 65 سال توں ودھ عمر آلے لوکاں تے کجھ بیاں بیماریاں دے شکار مریض شامل ہن۔ایندے نال نال انہاں ایں گال تے زور ڈتے جو ایں منصوبے اچ ہنڑ وی مالی مدد دی لوڑھ اے ۔
