واشنگٹن ۔ 26 اگست (اے پی پی) امریکی صدر ٹرمپ وائٹ ہاﺅس اچ ایندے توں پہلے مختلف ملکاں اچ قید یا ول یرغمال بنڑائے گے 6 شہریاں دے نال ملاقات کیتی ۔ترک نشریاتی ادارے موجب ایں موقع تے امریکی صدر ڈونلڈ ٹرمپ امریکی پادری انڈریو کریگ برنسن کوں رہا کرنڑ تے ترکی دے مشکور و ممنون تھیونڑ تے زور ڈیندے ہوئیں آکھیے جو صدر رجب طیب اردوان ایں ویلھے وڈے دل دا مظاہرہ کیتے ۔انہاں ڈسائے جو کجھ ڈینھ گال مہاڑ دے بعداساں ترک صدر دے نال سمجھوتہ طے کرگھدا ہئی، جیں تے او انہاں دے اتے ترک عوام دے شکر گزار اوں، او امید کریندن جو برنسن دے خیال وی میڈے خیال وانگوں ہن ۔جیں تے برنسن آکھیے اساں ترک عوام نال محبت کریندوں تے صدر ٹرمپ دیاں کوششاں دا شکریہ ادا کیتے ۔
