واشنگٹن ۔ 26 اگست (اے پی پی) اقوام متحدہ دی سلامتی کونسل (یو این ایس سی) بدھ کوں آکھیے جو او ایران دے خلاف مزید سخت (سنیپ بیک) پابندیاں لاونڑ دے امریکی مطالبے تے مزید کاروائی کرنڑ دی پوزیشن اچ کائنی ۔اقوام متحدہ میں انڈونیشیا دے سفیر ڈیان ٹریانسیاہ جانی مغربی ایشیا تے کونسل دے اجلاس وچ روس تے چین دے ہک سوال دے ولدے اچ مذکورہ گالھیں کیتیاں ۔ خیال رہے انڈونیشیا اگست توں سلامتی کونسل دی سربراہی کریندا پئے۔ ڈیان اقوام متحدہ اچ امریکی سفیر کیلی کرافٹ تے کاوڑ کیتی اے ، جنھاں انہاں تے ’دہشت گرداں‘دی حمایت کرنڑ دا الزام لاتا ہئی ۔امریکی سفیر انہاں دے تبصرے اچ بعد آکھیے جو میکوں واقعتا اینکوں واضح کرنڑ ڈیو ۔ ٹرمپ انتظامیہ کوں ایں معاملے اچ محدود لوکاں نال ملنڑ دا کوئی ڈر کائنی ۔میکوں صرف ایں گال افسوس اے جو ایں کونسل دے بئے ممبران آپنڑاں رستہ ونجا بیٹھن اتے ہنڑ او خود کوں دہشت گرداں دے نال کھڑا ڈیکھدے پیوں۔
