انگلینڈ اتے پاکستان دیاں کرکٹ ٹیماں وچال ترائے بین الاقوامی ٹی ٹونٹی میچاں دی سیریز دا پہلا میچ کل کھیڈیا ویسی

مانچسٹر ۔ 26 اگست (اے پی پی) انگلینڈ اتے پاکستان دیاں کرکٹ ٹیماں وچال ترائے بین الاقوامی ٹی ٹونٹی میچاں تے مشتمل سیریز دا پہلا میچ (کل) جمعے کوں اولڈ ٹریفورڈ، مانچسٹر اچ کھیڈیا ویسی۔ اے میچ ڈے اینڈ نائٹ ہوسی ۔ ایندے توں پہلے ڈوہیں ٹیماں وچال کھیڈی گئی ترائے ٹیسٹ میچاں دی سیریز انگلینڈ1-0 توں جت گھدی ہئی ۔ انگلینڈ پاکستان کوں پہلے ٹیسٹ میچ اچ 3 وکٹاں توں ہرایا ہئی ایندے بعد کھیڈیے گئے ڈوہیں میچ ہر جت دے فیصلے دے بغیر ختم تھی گئے ہن ۔ترائے ٹونٹی میچاں دی سیریز اچ پاکستان ٹیم دی قیادت بابر اعظم کریسن جڈاں جو میزبان ٹیم آئن مورگن دی زیر قیادت میدان اچ لہسے ۔ واضح رہے جو ڈوہیں ٹیماں وچال ترائے ٹی ٹونٹی میچاں دی سیریز دا ڈوجھا میچ 30 اگست کوں جڈاں جو ترائے میچاں دی سیریز دا تریجھا تے چھیکڑی ٹی ٹونٹی کرکٹ میچ یکم ستمبر کوں کھیڈیا ویسی۔ ٹی ٹونٹی سیریز دے ترائے میچ اولڈ ٹریفورڈ، مانچسٹر اچ ہی کھیڈیے ویسن ۔