جنیوا ۔ 27 اگست (اے پی پی) عالمی ادارہ صحت (ڈبلیو ایچ او) براعظم افریقہ کوں پولیو توں پاک قرار ڈتے ۔ ڈبلیو ایچ او موجب نائیجیریا سودھے سارے افریقی ملکاں اچ گزریل چار سالاں توں پولیو دا کوئی کیس سامنڑے کائنی آیا ۔ عالمی ادارہ صحت اینکوں انہاں ملکاں دی تاریخی کامیابی قرار ڈتے ۔ پولیو دا وائرس بانھیں تے پیراں کوں مستقل طور تے مفلوج کرسگدے تاں جو بالاں کوں پولیو دے قطرے پلاونڑ نال ایں مرض توں بچیا ونج سگدے ۔50دے ڈھہاکے اچ اے ویکسین آونڑ توں پہلے بیماری پوری دنیا وچ موجود ہئی۔
