کینبرا ۔ 28 اگست (اے پی پی) آسٹریلوی حکومت کرائسٹ چرچ دی مسیت اچ فائرنگ دے مجرم کوں ماریے ونجنڑ آلیں دے لواحقین دی رضا مندی دی صورت اچ آپنڑی عمر قید دی سزا آسٹریلیا اچ بھوگنڑ تے من گئی اے ۔ 29 سالہ مجرم برینٹن ٹارنٹ دے خلاف مقدمے دی سماعت دے دوران ایں فائرنگ دا نشانہ بنڑنڑ آلیں دے کجھ لواحقین اے صلاح وی ڈتی اے جو مجرم …
آسٹریلوی حکومت کرائسٹ چرچ دی مسیت اچ فائرنگ دے مجرم دے آپنڑے ملک اچ سزا بھوگنڑ تے من گی اے
کینبرا ۔ 28 اگست (اے پی پی) آسٹریلوی حکومت کرائسٹ چرچ دی مسیت اچ فائرنگ دے مجرم کوں ماریے ونجنڑ آلیں دے لواحقین دی رضا مندی دی صورت اچ آپنڑی عمر قید دی سزا آسٹریلیا اچ بھوگنڑ تے من گئی اے ۔ 29 سالہ مجرم برینٹن ٹارنٹ دے خلاف مقدمے دی سماعت دے دوران ایں فائرنگ دا نشانہ بنڑنڑ آلیں دے کجھ لواحقین اے صلاح وی ڈتی اے جو مجرم کوں آپ دی سزا پوری کرنڑ کیتے ایندے ملک آسٹریلیا بھیج ڈتا ونجے۔ انہاں دی ایں صلاح دی حمایت نیوزی لینڈ دے وزیر خارجہ ونسٹن پیٹرز اتے آسٹریلیا دے نائب وزیر اعظم وی کیتی اے۔ نیوزی لینڈ دی حکومت ولوں آسٹریلوی حکومت توں حالی تئیں ایں سلسلے اچ کوئی باقاعدہ درخواست کائنی کیتی گی ۔آسٹریلیا دے وزیر اعظم سکاٹ موریسن آکھیے جو ایجھی کوائی درخواست ملنڑ دی صورت اچ نیوزی لینڈ دے حکام نال رل تے کم کرنڑ کوں تیار ہوں ۔ واضح رہے جو آسٹریلیا تے نیوزی لینڈ وچال قیدیاں دے تبادلے دا کوئی معاہدہ موجود کائنی ۔
