ملتان ۔30 اگست (اے پی پی)پاکستان سرائیکی پارٹی دا اہم اجلاس چیئرپرسن ڈاکٹر نخبہ تاج لنگاہ دی صدارت اچ تھیا جئیں اچ مرکزی صدر ملک اللہ نواز وینس، ڈاکٹر مقصود خاں لنگاہ، ملک جاوید چنڑ ایڈووکیٹ شریک تھیے ۔اجلاس اچ ملک دی سیاسی اتے خصوصی طور سرائیکی وسیب دی اجوکی صورتحال تے گالھ مہاڑ کیتی گئی ۔اجلاس اچ اجوکے ایس ڈی پی اتے پاکستان سرائیکی پارٹی دے سیکرٹری جنرل محمد اکبر انصاری ایڈووکیٹ وچال سوشل میڈیا تے کنڑوورسی اتے بیان بازی کوں سنجیدہ گھنڑ اتے ایں نال بنڑی فضاءکوں ختم کرنڑ تے غور کیتا گئیا۔اجلاس اچ آکھیا گئیا جو پاکستان سرائیکی پارٹی ہک قوم پرست سیاسی اتے نظریاتی جماعت ات جیڑھی جو صرف وسیب اچ نی پورے پاکستان اچ خصوصی طور انہاں سیاسی جماعتاں نال سیاسی مذاکرات کریندی اے جیڑھی جو سرائیکستان دے حامی ہوون پر کہیں وی ایجھے عنصر نال بہونڑ کوں ہرگز تیار کائنی جنہاں دا ایجنڈا 23ضلعیاں دا صوبہ سرائیکستان دے خلاف ہووے۔پاکستان سرائیکی پارٹی یکا انہاں قوم پرستاں نال جدوجہد کریسی جیڑھے جو خالصتاً سرائیکی صوبے دے حامی اتے پورے سرائیکی وسیب دے نمائندگی کریندے ہون۔
