برسلز ۔ 2 ستمبر (اے پی پی) یورپی ملکاں اچ کورونا وائرس دی وبا پاروں چھی مہینے توں بند سکول ولا کھول ڈتے گن ۔ لیکن حکومتاں کورونا وائرس دی وبا متعلق سخت ہدایات اتے احتیاطی تدابیر تے عمل درآمد کرنڑ تے وی زور ڈتے ۔فرانسیسی خبر رساں ادارے موجب وبائی مرض اچ ودھارے دے باوجود سکول کھولے ونجنڑ تے کئی استاداں تے والدین تشویش دا ظہار کیتے ۔فرانس اچ 11 سال توں 18 سال تک دی عمر دے سبھے طالباں کوں پابند کیتا گئے کلاس رومز اچ یا باہر ماسک لازمی پاون، استاداتے عملے کیتے وی اے شرط رکھی گئی اے ،وقفے وقفے نال ول ول ہتھ دھونڑ یا سینیٹائز وی کرنڑاں ہوسی ۔ بیلجیم اچ وی سکول کھل گن جڈاں جو جرمنی اچ سکول گزریل مہینے توں ہی کھول ڈتے گئے ہن ۔انگلینڈ اتے ویلز اچ چھی مہینے دی بندش دے بعد اجوکے ہفتے سکول ول کھلدے پئن ۔
