بہاولنگر ٹریفک حادثے اچ ہکے ٹبر دے چار بندے جاں بحق،بال زخمی

بہاولنگر ۔ 11ستمبر(اے پی پی) بہاولنگر دے علاقے تھانڑاں گھمنڈ پور دے نیڑے ٹریفک حادثے اچ ہکے ٹبر دے چار بندے جاں بحق،بال زخمی تھی گئیا۔نجی ٹی وی چینل دے مطابق ریسکیو حکام آکھیا جو حادثہ تکھی رفتار منی بس دی موٹرسائیکل کوں ٹکر نال تھیا۔زخمی بال کوں نیڑے دے ہسپتال پجا ڈتا گئے ۔حکام ڈسیا جو جاں بحق تھیونڑ آلیاں دی سنجانڑ محمد جاوید،اوندی زال شاہدہ ہک سال دی دھی اریش اتے ترائے سال دا پتر حمزہ دے ناں نال تھئی اے،ریسکیو حکام ڈسیا جو بس ڈرائیور موقع توں بھج گئے جڈانجو پولیس بس قبضے اچ گھن کراہیں مقدمہ درج کر گھدے۔