لندن ۔ 14 ستمبر (اے پی پی) کورونا بحران اچ شدت پاروں ہزاراں برطانوی تے پیرا میڈکس لندن دیاں سڑکاں تے احتجاجی مظاہرے کیتے ۔برطانیہ دے قومی ادارہ صحت توں تعلق رکھنڑ آلے ہزاراں نرساں تے پیرا میڈکس آپنڑیاں تنخواہیں اچ ودھارے تے ملازمت دی شرائط دا مطالبہ کیتے ۔مظاہرین آپنڑے ہتھاں اچ وزیراعظم بورس جانسن دے خونی ہتھاں آلیاں تصویراں اتے پلے کارڈ چاتے حکومت دے خلاف نعرے لاتے ۔ مظاہرین وزیر اعظم بورس جانسن کوں صحت دشمن پالیسیاں تے عملدرآمد دا ذمہ دار قرارڈتا۔ایں توں پہلے روزنامہ گارجین لکھیے جو برطانیہ اچ کورونا وائرس دے مریضاں اچ غیر معمولی ودھارے دے بعد ماہرین صحت حکومت دیاں غلط پالیسیاں دی بابت سخت خبردار کیتے ۔
