سرائیکی دے مہاندرے شاعر عزیز شاہد دا پتر فخر عزیز فوت تھی گئے

تونسہ شریف ۔ 23 ستمبر (اے پی پی) سرائیکی دے مہاندرے شاعر عزیز شاہد دا پتر فخر عزیز فوت تھی گئے۔موحوم فخر عزیز کجھ عرصے توں کینسر دے موذی مرض وات ہن تے چھیکڑ تے ایں بیماری نال بھڑدے جھوک لڈا گین اتے بڈھڑے پیو عزیز شاہد سودھا وسیب دی سنگت کوں وڈا ارمان ڈتے۔فخر دی وفات تے مکاونڑ ڈیندے مہاندرے ادیب و شاعراں وسماجی رہنماواں ڈاکٹر احسن واگھا،سئیں ریاض عصمت، سئیں اقبال سوکڑی، ادی سعدیہ کمال،سئیں ظہور دھریجہ اتے بنھاں سئیں عزیز شاہد کوں پرچاونڑی ڈتی اے اتے دعا کیتی اے جو اللہ مرحوم کوں جنت اچ جاہ ڈیوے اتے سئیں عزیز شاہد دے ٹبر کوں صبرآوے۔