اسلام آباد۔15اکتوبر (اے پی پی)وفاقی وزیر اطلاعات و نشریات سینیٹر شبلی فراز آکھیے جو بطور جمہوری حکومت تے پارٹی ،اپوزیشن کوں فیملی لمیٹڈ کمپنی کرپشن بچاونڑ کیتے جناح سٹیڈیم اچ مجمع کٹھا کرنڑ دی باقاعدہ اجازت ڈے ڈتی اے ۔ عوام کوں تنگ کرنڑ کیتے سڑکاں تے کہیں صورت جلسہ کرنڑ دی اجازت کائناں ڈتی ویسی ،اساں وی ماضی اچ سٹیڈیم دے اندر جلسے کیتے،کڈاہیں عوام کوں تنگ کرنڑ دی سیاست نی کیتی ،اپوزیشن توں وی ایجھی توقع کریندوں ۔خمیس کوں آپنڑے ویڈیو پیغام اچ وفاقی وزیر اطلاعات و نشریات سینیٹر شبلی فراز آکھیے جوفیملی لمیٹڈ کمپنی کرپشن بچاونڑ کیتے جیڑھا مجمع کٹھا کریندی پئی اے ایں کیتے بطورجمہوری حکومت اتے پارٹی اپوزیشن کوں جلسہ دی اجازت ڈے ڈتی اے ، اپوزیشن کوں چیلنج کریندوں جو او جناح سٹیڈیم کوں بھرن،اگر عوام کوں تنگ کرںڑ کیتے سٹرکاں تے جلسہ کیتا تاں ایندی ہرگز اجازت نہ ڈیسوں، کووڈ۔19 توں بچنڑ کیتے سارے ایس او پیز تے عمل کرن ۔اپوزیشن دا ہکو ایجنڈا اے کرپشن توں جیرھا مال بنڑائے اینکوں بچاونڑ کیتے عوام کوں ایجھے ماحول اچ گھدی ویندن جتھاں نہ انہاں کوں کجھ ملسی نہ حکومت دباﺅ اچ آسی ۔
