اسلام آباد۔15اکتوبر (اے پی پی):وفاقی وزیراقتصادی امورمخدوم خسرو بختیار آکھیا جو برطانیہ دے ترقیاتی تعاون دا دائرہ کارسیاحت،تعلیمی وظائف اتے سستی اتے معیاری مکان دی تعمیر تے کھنڈاونڑ چاہندن۔انہاں اے گالھیں یو کے فارن وکامن ویلتھ ڈویلپمینٹ آفس دے پورٹ فولیو جائزہ اجلاس دی صدارت کریندیں ہوئیں آکھی۔اجلاس اچ پاکستان اچ برطانیہ دے تعاون نال جاری تھیے منصوبیاں دا جائزہ گھدا گئیا۔وفاقی وزیر آکھیا جو پاکستان اتے برطانیہ وچال چنگے تعلقات ہن،برطانیہ کئی شعبیاں اچ پاکستان نال تعاون کریندا پئے ،پاکستان اچ ایں ویلھے برطانیہ دے فورٹ پولیو دا حجم 1.02ارب پاﺅنڈ اے۔
