اسلام آباد۔15اکتوبر (اے پی پی)وزیر خارجہ شاہ محمود قریشی دی شمالی وزیرستان دے علاقے رزمک اچ فوجی قافلے تے بارودی سرنگ دے ذریعے کیتے گئے حملے دی مذمت کیتی اے تے دہشت گرد حملے دے نتیجے اچ تھیونڑ آلے جانی ضیان تے ودھ سارے ڈکھ تے افسوس دا اظہار کیتے ۔خمیس کوں آپنڑے بیان اچ وزیر خارجہ دہشت گرد حملے دی مذمت کریندے ہوئیں آکھیے جو سیکورٹی فورسز دے قافلے تے بارودی سرنگ دے ذریعے حملہ دشمن دی بزدلانہ حرکت اے۔انہاں آکھیا جو پاکستان دا امن اتے استحکام ملک دشمن عناصر دیاں اکھیں اچ کھٹکدے ۔اج پوری قوم دہشت گردی دی عفریت کوں کچلنڑ کیتے پاک فوج تے قانون نافذ کرنڑ آلے اداریں دے رلے کھڑی اے ۔
