اسلام آباد۔15اکتوبر (اے پی پی):وفاقی وزیر اطلاعات و نشریات سینیٹر شبلی فراز نال امریکی ناظم الا مور مس انجیلا ایجلر ملاقات کیتی جیں اچ مختلف امور تے گال مہاڑ کیتی گی ۔ وفاقی وزیر اطلاعات ونشریات سینیٹر شبلی فراز ایں موقع تے آکھیا جو امریکی کمپنیاں دا پاکستان دے مختلف شعبیں اچ سرمایہ کاری دا خیرمقدم کریندوں،پاکستان امریکہ دے نال آپنڑے تعلقات کوں قدر دی نگاہ نال ڈیکھدے ۔ امریکی ناظم الامور کوویڈ 19چیلنج نال موثر انداز اچ نبڑنڑ تے پاکستان دی تعریف کیتی ۔ وفاقی وزیر اطلاعات سینیٹر شبلی فراز آکھیے جو ایس او پیز اتے احتیاطی تدابیر تے عمل درآمد کیتے مہم جاری رکھی ہوئی اے تاں جو وبا ولا نہ کھنڈ ونجے ، وزیراعظم عمران خان داروزگار دے نال نال انسانی زندگی دے تحفظ دا وژن کوویڈ 19چیلنج تے قابو پاونڑ اچ معاون ثابت تھیا۔ ملاقات اچ ڈوہیں رہنماواں ایں گال تے اتفاق کیتا جو کورونا دے دوران جتھاں سانجھے رابطے تے اطلاعات دی ترسیل دا طریقہ کارمتاثر تھیا اتھاں ڈیجیٹل کمیونیکشن کوں ودھارا تھیا ۔
