اسلام آباد۔15اکتوبر (اے پی پی):پاکستان آکھیے جو مقبوضہ جموں و کشمیر اچ مسلسل انسانی حقوق دیاں خلاف ورزیاں دے خاتمہ تئیں بھارت نال مذاکرات خارج از امکان اے۔خمیس کوں ترجمان دفتر خارجہ ہفتہ وار بریفنگ وچ آکھیے جو بھارت نال ایجھی صورت حال اچ کوئی بامعنی مذاکرات ممکن ہی کائنی جتھاں مقبوضہ جموں و کشمیر اچ مسلسل انسانی حقوق پامال تھیون۔ڈو پاسے رابطے اچ تریجھے فریق دی شمولیت متعلق ترجمان آکھیے جو پاکستان ایں گال تے یقین رکھیندے جو کشمیری اپنڑے مستقبل متعلق امور اچ شامل تھیون ۔ترجمان ہک سوال دا جواب ڈیندے ہوئیں آکھیے جو پاکستان ڈے آرمی پبلک سکول پشاور سانحہ اچ بھارتی خفیہ ایجنسی دے ملوث ہوونڑ متعلق تصدیق شدہ شواہد موجود ہن،جیں کوں عالمی برادری نال شیئر کرڈتا گئے ۔ترجمان آکھیا جو پاکستان بھارت توں آپنڑے آئین دے غیر قانونی 35اے آرٹیکل کوں ختم کرنڑ دا مطالبہ کیتے ،جیں دامقصد مقبوضہ کشمیر دے آبادیاتی تناسب کوں تبدیل کرنڑ اے ۔ غیر قانونی آرٹیکل دے ختم کرنڑ نال مقبوضہ وادی اچ استصواب رائے کیتے ساز گار ماحول قائم کیتا ونج سگدے ۔ترجمان اقوام متحدہ اتے بئے عالمی اداریں تے زور ڈتے جو او مقبوضہ جموں وکشمیر اچ انسانی حقوق دی تکھے وگڑدی صورت حال دا نوٹس گھنے۔
