اسلام آباد۔28اکتوبر (اے پی پی):چیئرمین سینٹ صادق سنجرانی آکھیے جو پاکستان اتے روس خطے دی ترقی اتے خوشحالی کیتے موثر کردار ادا کرݨ دی صلاحت رکھیندن ، پاکستان ہک پرُ امن ملک اے اتے امن تے ترقی کوں سمجھدے ۔اے ڳال انہاں روس دے سفیر نال ملاقات کریندے آکھی اے ۔ملاقات اچ ݙو پاسے اہم امور تے ڳال مہاڑ کیتی ڳی ۔ بدھ کوں سینیٹ سیکرٹریٹ ولوں جاری بیان موجب چیئرمین سینیٹ صادق سنجرانی آکھیے جو پاکستان روس دے نال اپݨے کثیر الجہتی مراسم کوں قدر دی نگاہ نال ݙیکھدے ،ݙوہیں ملکاں وچال اسٹرٹیجک پارٹنرشپ نال علاقائی امن اتے ترقی اچ مدد مل ویسی ۔
