اسلام آباد۔28اکتوبر (اے پی پی):وزیرخارجہ مخدوم شاہ محمودقریشی سابق سپیکر قومی اسمبلی ایاز صادق دے پارلیمںٹ اچ ݙتے ڳے بیان تے ردعمل دا اظہار کریندے ہوئیں آکھیے جو ایازصادق توں ایجھی ڳال دی توقع کائناں ہئی ،ایاز صادق جیڑھا مؤقف بیان کیتے او حقیقت دے برعکس اے۔انہاں آکھیے جو انٹیلی جنس معلومات تے پارلیمان کوںاعتماد اچ ڳھدا ہئی ۔انٹیلی جنس معلومات اچ ابھی نند ن دا ذکر کائناں ہئی ۔سیاسی مقاصدکیتے ایجھی غیرذمےدارانہ ڳالھ مہاڑ کیتی ویندی پئی اے ۔انہاں آکھیے ذمے وار لوک غیر ذمہ دارانہ ڳال مھاڑ کریندے پن ۔وزیر خارجہ آکھیے جو اپوزیشن آئی سی جے دا فیصلہ پڑھ ڳھنے تے پاکستان دامؤقف وی پڑھ ڳھدا ونڄے ،اے لوک کلبھوشن دے معاملے تے وی گمراہ کریندے پن،ابھی نند ن دے معاملے تے وی اے قوم کوں گمراہ کریندے پن،فیٹف اچ پاکستان کوں پاوݨ آلا کون ہئی ؟ اے نون لیگ دا ݙتا ہویا تحصہ اے ۔وزیر خارجہ آکھیے جو بھارت کوں ایجھا موقع نی ݙیوݨاں چاہیدا جو او پاکستان کوں ول آئی سی جے اچ گھن ونجے
