اسلام آباد۔2نومبر(اے پی پی)وزیر خارجہ شاہ محمود قریشی آکھیے جو اسلاموفوبیا دے ودھدے رجحان تے قابو پاوݨ کیتے، عالمی سطح تے بین المذاہب ہم آہنگی سودھا موثر اقدامات دی لوڑھ اے، پاکستان ہمیشہ افغان قیادت اچ، افغاناں کیتے قابلِ قبول جامع مذاکرات دی حمایت کیتی اے، کشمیریاں کوں بھارتی ظلم توں کڈھݨ کیتے عالمی برادری کوں کردارادا کرݨاہوسی۔ اے گالھ انہاں اپݨے جرمن ہم منصب ہائیکو ماس کوں ٹیلی فون تے آکھی۔ ݙوہاں رہنماواں ݙو طرفہ تعلقات،کرونا عالمی وبائی صورتحال، افغانستان اچ امن سودھا ٻئے معاملیاں تے الوائے۔ انہاں آکھیا جو اسلاموفوبیا دے ودھدے رجحان دے خلاف پاکستان سودھا پورے ڄگ اچ چنتا اے،ایندے تے رل مل تے کم کرݨ دی لوڑھ اے۔ انہاں ݙو طرفہ تجارتی، اقتصادی تعاون ودھاوݨ اتے خطے اچ امن کیتے کوششاں سانگے مشاورت جاری رکھݨ تے اتفاق کیتے۔
