
اسلام آباد۔3نومبر(اے پی پی)وزیراعظم دے مشیر برائے خزانہ ڈاکٹر عبدالحفیظ شیخ آکھیے جو قومی معیشت ترقی دی راہ تے ول آئی اے،پچھلے چار مہینے اچ ملکی قرضہ اصلوں نئیں ودھیا۔ وزیراعظم عمران خان دے کٹھے صنعت بارے توانائی ریلیف پیکیج تے بریفنگ اچ انہاں آکھیا جو 30 جون توں یکم نومبر تئیں ملکی قرض نئیں ودھیا،اے کامیابی ملک دی اپݨی آمدن پاروں ممکن تھئی اے، حکومت اخراجات گھٹائن اتے محصولات ودھین، حکومت کرونا تے وی قابو پاتے اتے ملک کوں اوکھ توں کݙھیے، اج اکثرا اقتصادی اشاریے مثبت ݙسدے پین، ریونیو اتے برآمدات ودھین، صنعت وی مثبت ترقی کریندی پئی اے، اجوکا کرنٹ اکائونٹ خسارہ 20 ڈالر توں گھٹ تے صفر رہ ڳئے۔ انہاں آکھیے جو پاکستان سٹاک ایکسچینج چنگی کارکردگی ݙکھائی اے جیڑھی ڄگ دی چوتھی وݙی سٹاک مارکیٹ اے اتے ایشیاء اچ بہترین کارکردگی آلی پہلی مارکیٹ اے۔، چنگیاں عوام دوست پالیسیاں پاروں حکومت لوکاں کوں روزگار ݙیوݨ دے اقدامات کیتن،امیراں کولو ٹیکس گھدا ڳئے۔ وزیراعظم ہائوس، ایوان صدر اتے کابینہ دے اخراجات، سویلین حکومت اتے فوج دے اخراجات گھٹین، عالمی بنک معیشت کیتے پاکستان دی تعریف کیتی اے، ملک اج ݙاہ وڈے معاشی ملکاں اچ ڳݨیندا پئے۔ کرونا اچ حکومت امدادی پیکج، غریباں دا ہتھ ونڈاوݨ اتے سر دی چھت ڈیوݨ جھیں اقدامات کیتن، چھوٹے گھراں کیتے 90 فیصد ٹیکس ریلیف ݙتے، سرکاری شعبہ دے ترقیاتی پروگرام دے تحت ڳھٹ ترقی آلے علاقیاں کیتے ودھ فنڈز رکھیے گین اتے یوٹیلٹی سٹورز تے پنڄ بنیادی اشیاء تے چھوٹ ڈتی ڳئی اے۔