لاہور۔7جنوری(اے پی پی)جنوبی افریقہ دی کرکٹ ٹیم تیرھاں سال بعد سولہاں جنوری کوں پاکستان پڄسی۔ستاوی پروٹیز کھیݙاڑیاں سودھے ٹیم مینجمنٹ دے یارھاں لوک پاکستان نجی ایئر لائن تے پڄسن۔ سول ایوی ایشن اتھارٹی افریقہ کرکٹ ٹیم کوں برطانیہ توں آوݨ دی اجازت ݙتی اے جتھاں انہاں دا کرونا ٹیسٹ کیتا ویسی اتے قرنطینہ اچ رکھیا ویسی۔ݙوہاں ٹیماں وچال پہلا ٹیسٹ 26 جنوری کوں کراچی اچ تھیسی۔ ݙوڄھا ٹیسٹ راولپنڈی اچ 4 فروری توں شروع تھیسی ڄݙاں جو ݙوہاں ٹیماں 3 ٹی ٹوینٹی میچز وی لاہور اچ کھیݙسن۔
