اسلام آباد۔25جنوری(اے پی پی)پاکستان اتے جنوبی افریقہ پہلے ٹیسٹ میچ اچ (اڄ) منگل 26جنوری کوں آمݨے سامݨے ہوسن اتے اے ٹاکرا کراچی دے نیشنل کرکت سٹیڈیم اچ تھیسی جتھاں پہلے ہی ٹیماں پریکٹس کرینداں رہین۔ ایں سانڳے ٹیسٹ سیریز دی ٹرافی دی ڳھنݙھ کھلائی کر ݙتی ڳئی اے اتے ڈوہاں ٹٰماں دے کپتاناں ٹرافی نال تصویراں بݨوائن۔ پہلے ٹیسٹ اچ اوپنر عابد علی اتے عمران بٹ ہوسن ڄݙاں جو مڈل آرڈر اچ اظہر علی ، بابر اعظم ، فواد عالم اتے سعود شکیل ہوسن۔ آل راؤنڈرز فہیم اشرف اتے محمد نواز ڄفاں جو وکٹ کیپر محمد رضوان نائب کپتان ہین اتے ٹیم نال سابق وکٹ کیپر کپتان سرفراز احمد وی ہین۔ اسپنرز نعمان علی، ساجد خان اتے یاسر شاہ اتے فاسٹ باؤلرز حارث رؤف ، حسن علی ، شاہین شاہ آفریدی اتے تابش خان وی ٹیم دا حصہ ہوسن۔
