اسلام آباد۔27جنوری(اے پی پی)وفاقی وزیر اطلاعا ت و نشریات سینیٹر شبلی فراز آکھیے جو پی ڈی ایم دے سارے نشاݨیاں آلی کار وزیراعظم مخالف تحریک عدم اعتماد وی ٻہوں گندی ناکام تھیسی‘ پی ڈی ایم دیاں جماعتاں اپݨے اپݨے مفاد دی بھیڑی بھڑدیاں پئن، سینٹ الیکشن کیتے کڄھ ہفتے باقی رہ گئن، ایندءے تے عدالت عظمی توں راہنمائی ڳھدی اے ڄیکر لوڑھ پئی تاں آئینی ترامیم وی کرسڳدوں۔ انہاں آکھیا جو اپوزیشن دا ڈو سالاں اچ ودھ قرض ڳھنݨ دا پراپیگنڈہ کوڑ اے، ݙوسالاں اچ ڳھدے ڳئے بیرونی قرضیاں اچ 6 کھرب ماضی دے قرضے اتے سود دی مد اچ ادا کیتے گئن۔ انہاں آکھیا جو پارلیمانی پارٹی اچ سارے امور تے آلایا ڳئے۔ وفاقی وزیر سینیٹر شبلی فراز آکھیا جو سینٹ الیکشن کیتے کڄھ ہفتے باقی ہن ‘ساݙی پارٹی دی پوزیشن چنڳی اے، وزیراعظم پہلے ہی آکھیا ہا جو الیکشن شفاف تھیوݨے چاہیدن ،ڄیکر لوڑھ پئی تاں ایںندے کیتے آئینی ترامیم وی تھی سڳدن۔ انہاں آکھیا جو پی ڈی پارٹیاں دی انڄو انڄھ راند اے اتے مفاد وی کلہا کلہا اے۔ انہاں آکھیا جو کرپشن پاکستان دا ہک ٻہوں وݙا مسئلہ اے ‘براڈ شیٹ سامݨے آئے تے ساݙا اے جمہوری فرض اے جو ایندی تحقیقات کرائوں ۔
