لاہور۔30جنوری(اے پی پی)وزیراعلیٰ عثمان بزدار آکھیے جو وزارت اعلیٰ صرف عہدہ نئیں ہک وݙی ذمہ داری اے، سابق حکمراناں عوام دے بنیادی مسائل کوں اصلوں ہک پاسے سٹیے بھل ساݙی حکومت پسماندہ علاقیاں تے ودھ توجہ ݙینفی پئی اے۔ اے ڳالھ انہاں لاہور اچ مختلف حلقیاں توں ارکان اسمبلی نال ملݨ ویلھے آکھی۔ انہاں ارکان اسمبلی دے مسلے سݨیے اتے انہاں دے حل دی یقین دہانی کریندے آکھیے جو پی ٹی آئی دی حکومت ہر ویلھے عوام دی فلاح کیتے تیار اے، حکومت تاریخ اچ پہلی واری پسماندہ اتے محروم علاقیاں دی ترقی تے ودھ توجہ ݙیندی پئی اے۔ انہاں آکھیے جو عوامی نمائنداں دے مسائل ذاتی سمجھ تے حل کرینداں، ارکان صوبائی اسمبلی میݙے ہتھ اتے ٻاہیں ہین، حلقیاں اچ ترجیحات دے مطابق ترقیاتی کم تھیسن۔
