ملتان ۔31جنوری(اے پی پی)وزیر خارجہ مخدوم شاہ محمود قریشی آکھیے جو پی ڈی ایم اچ جتنیاں وی جامعتاں ہین انہاں دا بیانیہ انڄھ اے اتے اے بیانیہ عوام مسترد کر ݙتے، پی ڈی ایم اچ کوئی ہکا رائے کائنی، اے حکومت کوں گھر بھیجیندے بھجیندے اپݨی بقا دی جنگ اچ پئے قئی اے، ساکوں پی ڈی ایم توں کوئی خطرہ کائنی۔ اے ڳالھ انہاں ملتان اچ لوکاں نال ملݨ، مختلف علاقیاں دے دورے ویلھے کیتی۔ انہاں آکھیا جو اپوزیشن تحریک عدم اعتماد دا شوق وی پورا کر ڳھنے، عوام پی ڈی ایم دے کھوکھلے نعرے مسترد کر ݙتن، حکومت اتے ایندے اتحادی تحریک عدم اعتماد دا سیاسی، جمہوری اتے پارلیمانی انداز اچ مقابلہ کریسن اتے انہاں کوں ہریسوں۔ انہاں آکھیا جو کرونا ویکسین آوݨ آلی اے جیندے بعد کرونا دی سؤرتحال بہتر تھی ویسی اتے اے اطمینان دی ڳالھ اے۔
