اسلام آباد۔1فروری (اے پی پی):وزیراعظم دے مشیر تجارت عبدالرزاق داؤد آکھیے جو میکوں اے ݙسیندے ہوئیں خوشی تھیندی پئی اے جو اساݙی برآمدات اچ ودھارے دا رجحان برقرار اے ، 8 سال دے بعد پہلی واری پاکستان دی برآمدات مسلسل چار مہینے 2 ارب ڈالر توں ودھ رہیاں ، جنوری 2021 اچ پاکستان دی برآمدات 8 فیصد ودھ تے 2.135 ارب ڈالر رہیاں، گزریل سال جنوری اچ برآمدات 1.978 ارب ڈالر ہن سنوار کوں ہک ٹویٹ اچ انہاں آکھیے جو اڄوکے مالی سال دے پہلے ست مہینے اچ برآمدات 5.5 فیصد ودھ کراہیں 14.245 ارب ڈالر تھی ڳئن ۔
