اسلام آباد۔4فروری (اے پی پی):ملک اچ کورونا ویکسینیشن کیمپین دا آغاز کرݙتا ڳئے تے پہلے مرحلے اچ ویکسین فرنٹ لائن ہیلتھ کئیر ورکرز کوں لاتی ویندی پئی اے ۔ وزارت قومی صحت دے ترجمان دی ولوں فرنٹ لائن ہیلتھ کیئر ورکرز دی رجسٹریشن دے طریقہ کار بارے مکمل جاری شدہ معلومات دے مطابق آبادی دے لحاظ نال ویکسین دا مرحلہ وار اتنظام ہوسی ۔ نیشنل امیونائزیشن مینجمنٹ سسٹم (نمز)کی تشکیل ، این سی او سی، وزارت صحت، نادرا اتے ای پی آئی دی سانجھ دا نتیجہ اے جیں دا مقصد فرنٹ لائن ہیلتھ کیئر ورکرز کوں محفوظ طریقے نال ویکسین لاوݨ دے عمل کوں یقینی بݨاوݨاں اے۔ ابتدائی مرحلے اچ ویکسین ساریں توں پہلے فرنٹ لائن ہیلتھ کیئر ورکرز کوں لاتی ویسی ۔ ہیلتھ کیئر ورکرزاپݨا شناختی کارڈنمبر بذریعہ ایس ایم ایس 1166 تے بھیڄن یا نمز دی ویب سائٹ تے وی اندراج کروا سڳدن ۔ ضروری تصدیق دے بعد ہیلتھ کیئر ورکرز کوں نامزد ویکسی نیشن سنٹر اتے پن کوڈ بذریعہ ایس ایم ایس بھیجا ویسی۔
