اسلام آباد۔2اپریل (اے پی پی) وفاقی وزیر برائےمنصوبہ بندی ،ترقی ،خصوصی اقدامات تے نیشنل کمانڈ اینڈ آ پریشن سنٹر دے سربراہ اسد عمر عوام توں ہک واری ولا زور ݙتا جو عوام کورونا وبا توں بچݨ سانڳے ایس او پیز تے سختی نال عمل کرے۔ آپݨے ٹویٹ اچ انہاں آکھیا جو کورونا دی شدید وبا پورے خطے کوں ولھیٹ اچ ڳھن ڳھدے اتے اساں ذمہ وارانہ کردار ادا کر تے اینکوں ڳھٹ کر سڳدوں۔ اسد عمر عوام کوں ماسک پاوݨ، رش آلی جہیں توں پرے رہوݨ، ہتھ دھووݨ اتے ٻہوں مجبوری دی حالت اچ سفر کرݨ دی ہدایت کیتی۔
