جام پور دے پراݨے تاریخی گورنمنٹ بوائز ماڈل ھائی سکول اچ کرونا ایس او پیز دیاں خلاف ورزیاں

اسلام آباد۔14اپریل (اے پی پی): جام پور دے پراݨے تاریخی گورنمنٹ بوائز ماڈل ھائی سکول اچ کرونا ایس او پیز دیاں دھجیاں اݙا ݙتیاں ڳئن کرونا ویکسین سینٹر دے نال احساس پروگرام دے مراکز وی اوں جاہ قائم 2500 طلباء اتے 70 توں ودھ استاداں سودھے انسانی جاناں کوں خطرہ ݙو ٹیچرز دا کرونا ٹیسٹ پازیٹو آوݨ دے باوجود کہیں قسم دے حفاظتی اقدامات نی کیتے ڳئے ۔سینئر ھیڈ ماسٹر دا اظہار بے بسی والدین تے شہریاں اچ گہری تشویش ۔ تفصیل موجب صدیاں توں قائم مثالی تاریخی ادارہ گورنمنٹ بوائز ماڈل ھائی سکول 2500 توں ودھ زائد طلبا اتے انہاں دے والدین کیتے کرونا وائرس دے حوالے نال ݙر دی علامت بݨ ڳیا سکول ھذا دے ݙو استاداں جنہاں اچ کرونا وائرس پازیٹو ہئی آپݨی بیماری کوں لکا تے پرائیویٹ سطح تے علاج شروع کرواݙتا تے ہݨ ݙو ترائے ݙینھ توں سکول نی آندے پئے جݙاں جو سکول ھذا اچ 70 توں ودھ ٹیچرز جنہاں اچ اکثر پنجاہ سال توں ودھ عمر دے ہن دی اکثریت بلڈ پریشر ‘ شوگر اتے عارضہ قلب دے مریض ہن حیرت انگیز انکشاف اے تھئے جو کرونادا شکار ݙوہیں استاداں جیڑھے چھوٹے ٻالاں یعنی چھیویں جماعت توں اٹھویں دے طلباء کوں پڑھیندن ذرائع توں پتہ لڳے جو ݙر دی وجہ توں کجھ والدین ٻالاں کوں سکول نی بھڄیندے ۔ ایندے توں پہلے سکول دے ملٹی پرپز ھال اچ کرونا ویکسین سنٹر قائم اے ݙوجھے پاسے انتظامیہ احساس کفالت سینٹر قائم کروا ݙتے جتھاں 20 توں ودھ فرنچائز اتے انہاں دے لوک بیٹھن سویلے توں شام تئیں تریمتاں دا ہجوم جمع تھی ویندے جتھاں ایس او پیز دا کوئی خیال نی رکھیا ویندا پیا ایں سلسلے اچ سکول دے سینئر ھیڈ ماسٹر ذوالفقار علی خسن چانگ نال رابطہ کیتا ڳیا تاں انہاں آپݨی بے وسی دا اظہار کریندے ہوئیں ݙسائے جو کرونا ویکسین سینٹر ہک سائڈ تے ملٹی پرپز ہال اچ ہے تے ھک تعلیمی ادارہ ہئی تے انتظامیہ کوں خود خیال کرݨا چاہیدا ہئی مگر احساس سینٹر دے قیام دے سلسلے اچ انہاں ضلعی و مقامی انتظامیہ توں گزارش کیتی ہئی مگر کہیں نہ سݨی ۔ ایں صورت حال تے جام پور دے سیاسی وسماجی حلقیں دے علاوہ شہریاں محمد اسلم عابد حسین محمد جمال عبدالروف ‘ مرید حسین ۔محمد شہباز ‘ امتیاز احمد اتے بئیں سکول دی صورتحال تے تشویش دا اظاہر کریندے ہوئیں اعلی حکام توں سارے استاداں تے ٻالاں دے کرونا ٹیسٹ کراوݨ تے وختی کاروائی دا مطالبہ کیتے ۔