اسلام آباد۔28اپریل(اے پی پی)وفاقی وزیر برائے بین الصوبائی رابطہ ڈاکٹر فہمیدہ مرزا آکھیے جو حکومت کھیݙاں دے میدان آباد کرݨ چاہندی اے ایں سانڳے ودھ اقدامات کیتے ویندے پین،کھیݙاں کوں نچلی سطح تے ترقی ݙتی ویسی۔ اے ڳالھ انہاں پاکستان اسپورٹس کمپلیکس دے نصیر بندہ ہاکی اسٹیڈیم اچ مصنوعی ہاکی آسٹرو ٹرف ٹرف دی افتتاحی تقریب نال خطاب اچ آکھی۔ وزارت بین الصوبائی رابطہ دے سیکرٹری محسن مشتاق، پاکستان سپورٹس بورڈ دے ڈائریکٹر جنرل کرنل (ر) محمد آصف زمان، ڈائریکٹر( میڈیا) محمداسلام شاہد اتے پاکستان ہاکی فیڈریشن دے خزانچی محمد اخلاق عثمانی وی موجود ہن۔