واشنگٹن۔ 13 مئی (اے پی پی) بین الااقوامی مالیاتی فنڈ پاکستان دی چنگی اقتصادی ترقی دی تعریف کریندے ہوئیں آکھیا ہے جو پاکستان دی حکومت ولوں کیتے ونجنڑ آلی اصلاحات دے نتیجے اچ میکرو اکنامک سطح تے استحکام امدا پے ۔اتے بینظیر انکم اسپورٹ پرگرام دے ذریعے زیادہ لوکاں کوں مالی تحفظ ڈتا ویندا پے۔ پاکستان دے نال معاہدے دی تفصیل اتے جزیات طے تھیونڑ دے بعد آئی ایم ایف دے کنٹری ڈائریکٹر پاکستان ہیرالڈ فنگرآکھیا ہے جو پاکستان حکومت اقتصادی امور اتے سارے شعبے اچ چنگی کاکر دگی دا مظاہر کیتے جنہاں اچ بجٹ دے گھاٹے کوں گھٹ کرنڑ اتے پاکستان اسٹیٹ بنک وچال بین الاقوامی اثاثے شامل ہن ۔انہاں آکھیا جو معاہدے کوں حتمی منظوری سانگے آئی ایم ایف دے ایگزیکٹو بورڈدے سامنڑے پیش کیتا ویسی اتے منظوری دے بعد پاکستان کوں ترائے سال سانگے قرضے دے طور تے 51کروڑ ڈالر دی رقم ڈتی ویسی ۔ہیرالڈ فنگر ولوں جاری بیان دے مطابق پاکستانی معیشت اچ شرح نمو سال 2015-2016 سانگے 4.5 فیصد رہنڑ دی توقع ہے جو آندے مالی سال اچ 4.7فیصد تئیں پج ونجنڑ دی امید ہے ۔ آئی ایم ایف نال مذاکرات اچ پاکستان دی نمائندگی وزیر خزانہ اسحق ڈار ، گورنر اسٹیٹ بنک اشرف وتھرا اتے بئے سینئر حکام کیتی ہئی۔
