اسلام آباد۔16مئی(اے پی پی)مشرق وسطیٰ دے معروف اخبارخلیج ٹائمز پاکستان دی معشیت کوں تیزی نال تکڑا تھیندا قرار ݙیندے اپݨی رپورٹ اچ آکھیے جو پاکستان دی معیشت ٹھوس ودھوتری دو ویندی پئی اے جیڑھی آندے 5 سالاں اچ اوکھ دے باوجود اندازے توںو دھ ترقی کر سڳدی اے، اخبار ایں سانڳے حکومتی عہدیداراں، تجزیہ نگاراں اتے اقتصادی ماہرین دے حوالے وی ݙتن جو مضبوط اقتصادی اشاریاں دی بنیاد تے آندے پنڄ سالاں اچ مجموعی قومی پیداوار(جی ڈی پی) دی بڑھوتری دی سالانہ شرح 5 توں 6 فیصد تئیں ہووݨ معمول ہوسی۔ گورنرسٹیٹ بینک رضاباقر موجب ملکی معیشت آندے ݙینھاں اچ تیز رفتار بڑھوتری دی استعداد رکھدی اے جیکوں عالمی بنک وی منیے۔ وزیرخزانہ شوکت ترین آکھیے جو پاکستان ݙو سالاں اچ 6 فیصد بڑھوتری دا ہدف پورا کرݨ دی پوری کوشش کریسی، وفاقی حکومت آندے مالی سال کیتے سالانہ ترقیاتی پروگرام کیتے 900 ارب روپے رکھیسی جیندے نال ترقی اتے روزگار دے نویں مواقع نکلسن۔ اخبار موجب ”آئی ایم ایف آندے مالی سال پاکستان دی جی ڈی پی اچ ودھارے دی شرح 4 فیصد رہݨ دی پیش گوئی کیتی اے، کرونا دی باوجود ملکی معاشی اعشاریے مثبت ہین، حکومت کرونا دے باوجود بحران دے اثرات ڳھٹاوݨ کیتے 2000 ارب روپے توںو دھ معاونت ݙتی اے اتے احسا جھیں سماجی تحفظ دے پروگرام کوں عالمی سطح تے وی پذیرائی ملی اے، زر مبادلہ دے ذخائر ودھین، ڈالر دے مقابلہ اچ روپیہ تکڑا تھئے، حسابات جاریہ دے کھاتیاں دا توزن سدھا تھئے، وݙیان صنعتاں دی پیداوار وی ودھی اے، پاکستان انہاں ملکانا چ شامل اے جتھاں کرونا دے معاشی بحران باوجود مالیاتی خسارہ ڳھٹیے۔
