اسلام آباد۔19مئی (اے پی پی):وزیر خارجہ مخدوم شاہ محمود قریشی آکھیے جو اڄ خمیس کوں اقوام متحدہ دی جنرل اسمبلی اچ ترک، فلسطین اتے سوڈانی وزرائے خارجہ دے رلے فلسطین دے معاملے کوں چیسوں۔ٻدھ کوں فلسطین دے حوالے نال جاری سفارتی کوششاں متعلق اہم بیان اچ وزیر خارجہ آکھیے جو فلسطین دی وڳڑدی صورتحال دے تناظر اچ اساݙی کوشش اے جو مظلوم فلسطینیاں تے جاری اسرائیلی ظلم رکواوݨ کیتے اساں ہم او آئی سی دے پلیٹ فارم کوں موثر انداز اچ استعمال کروں،پاکستان دی خواہش اتے کوشش ہے جو ایں مسئلے تے مسلم امہ ہک مٹھ تھیوے ۔ انہاں آکھیے جو او آئی سی دے پلیٹ فارم توں اساں جتنی موثر آواز چا سڳدے ہاسے چاتی اے ۔انشاء اللہ 20 تاریخ خمیس کوں اساں اقوام متحدہ جنرل اسمبلی اچ ایں معاملے کوں چیسوں ،سوڈانی وزیر خارجہ وی اساݙے نال نیویارک روانہ تھیسن۔وزیر خارجہ آکھیے جو جݙاں تون فلسطین دی صورتحال وڳڑݨ شروع تھئی اسان یورپی ملکاں اچ رہݨ آضے 60 ملین مسلماناں توں گذارش کیتی جو او آپݨی آپݨی حکومتاں تے دباؤ پاون اڄ بہوں سارے یورپی ملکاں دے دارالحکومتاں اچ وݙے وݙے مظاہرے تھیندے پئن ۔لندن اچ ݙو لکھ بتالی ہزار توں ودھ لوکاں فلسطینیاں تے ظلم دے خلاف پٹیشن تے دستخط کر ݙتن تاں جو ایوان نمائندگان اچ ایندے تے بحث تھی سڳے۔
