روم۔ 13 مئی (اے پی پی) اطالوی کوسٹ گارڈ دعویٰ کیتا ہے جو انہاں یورپ دے پاسے نقل مکانی کرنڑ آلے تقریبا8 سو تارکین وطن کوں پانڑیں اچ بڈ ونجنڑ توں بچا گھدا ہے ۔ جاری بیان دے مطابق انہاں مہاجراں اچوں زیاد ہ تر دا تعلق شام تے عراق توں ہے اتے اے ڈو وڈیاں کشتیاں وچ سوار ہن ۔ اقوام متحدہ دے ادارہ برائے مہاجراں دے مطابق گزریل ہک سال اچ اے پہلا موقع ہے جو شام تے عراق توں اتنی وڈی تعداد اچ لوکاں کٹھے یورپ ونجنڑ دی کوشش کیتی ہے۔
