اسلام آباد۔23مئی (اے پی پی):پاکستان تحریک انصاف دے وائس چیئرمین اتے وزیر خارجہ مخدوم شاہ محمود قریشی نیویارک اچ پاکستان تحریک انصاف (نیو یارک چیپٹر) ولوں منعقدہ تقریب اچ شرکت کیتی، تحریک انصاف نیویارک چیپٹر دے صدر رانا جاوید، نائب صدرامجد نواز صدیقی ، سیکرٹری جنرل شاہد رانجھا اتے تحریک انصاف دی قیادت وزیر خارجہ دا فقید المثال استقبال کیتا۔مخدوم شاہ محمود قریشی جݙاں ہال اچ تشریف گھن آئے تاں شرکا آپݨیاں نشستاں تے کھڑے تھی تے ، تاڑیاں دی گونج اچ وزیر اعظم عمران خان، وزیر خارجہ اتے پاکستان تحریک انصاف دے حق اچ نعرے لاتے ۔ شرکا ”سیز فائر“ دی صورت اچ فلسطین امن سفارتی مشن دی کامیابی تے وزیر خارجہ کوں مبارخ ݙتی ۔ وزیر خارجہ پاکستان تحریک انصاف (نیویارک چیپٹر ) دی تقریب توں خطاب وی کیتا۔ بعد اچ اپݨی مصروفیات نمٹاوݨ دے ہفتہ دی شام وزیر خارجہ مخدوم شاہ محمود قریشی فلسطین امن سفارتی مشن، دے حوالے نال دورہ نیویارک مکمل کرݨ دے بعد واپس وطن روانہ تھی ڳئن ، جان ایف کینیڈی ائرپورٹ تے اقوام متحدہ اچ پاکستان دے مستقل مندوب منیر اکرم ،امریکہ اچ پاکستان دے سفیر اسد مجید خان اتے سفارتخانے دے سینئر افسران وزیر خارجہ کوں الوداع کیتا۔
