بہاولپورـ17 جون( اے پی پی سرائیکی سروس) پروفیسر ڈاکٹر اطہر محبوب وائس چانسلر فیکلٹی ، سٹاف، طلباء وطالبات اتے بہاولپور دے سماجی تےتعلیمی حلقیاں کوں مبارخ ݙیندیں ہوئیں آکھیا جو وفاقی حکومت آندے سال دے مالیاتی بجٹ اچ اسلامیہ یونیورسٹی بہاولپور دے 4 ارب روپے مالیت دے میگا پروجیکٹس سانڳے رقم رکھی اے۔ انہاں منصوبیاں دا پی سی ون سنٹرل ڈویلپمنٹ ورکنگ پارٹی توں منظور اے اتے ایں نال اسلامیہ یونیورسٹی بہاولپور اتے اوندے سب کیمپسز اچ نویں تدریسی شعبیاں، انسٹی ٹیوٹ اتے ہاسٹل بݨائے ویسن اتے احمد پور شرقیہ اچ نواں سب کیمپس اچ بݨسی۔ اے منصوبے ہائر ایجوکیشن دے شعبے سانڳے حکومت ولوں رکھیے ڳئے 44 ارب روپے دے ترقیاتی بجٹ دا حصہ ہن۔ بعد اچ انہاں اچ پندرہ ارب روپے ودھا ݙتے ویسن۔ ابتدائی طور تے سال 2021-22 سانڳے ایں منصوبے دی مد اچ 200 ملین روپے دی گرانٹ رکھی ڳئی اے اتے کارکردگی دی بنیاد تے ودھیکی رقم رکھی ویسی۔ وائس چانسلر پروفیسر ڈاکٹر اطہر محبوب ، ریڈیو پاکستان دی بجٹ نشریات اچ ڳالھ مہاڑ کریندیں ہوئیں آکھیا جو ایں سال دے مالی بجٹ اچ حکومت ولوں رکھیے ڳئے 44 ارب روپے دے ترقیاتی بجٹ دا حصہ ہن۔
